Proclama a miña alma a grandeza do Señor,
alédase o meu espírito en Deus o meu Salvador”








26.5.09

Rianxeira da Virxe de Pastoriza




A Virxe de Pastoriza
velaí vai na súa barca,
alá no medio do mar,
tódalas augas aparta.

A Virxe de Pastoriza
queda sentada na porta,
para ver aos seus romeiros
como lle suben a costa.

Pescador que estás pescando,
péscame unha robaliza,
para levar de regalo
á Virxe de Pastoriza.


A Virxe de Pastoriza
ten o camarín de pedra,
¡ben o podería ter de prata,
miña Virxe se quixera!

A Virxe de Pastoriza
ten unha galiña branca,
que cando lle botan millo
para de comer e canta.

Miña Virxe de Pastoriza,
a das ovelliñas brancas,
tírame esta espiña negra,
que se me cravou na alma.


A Virxe de Pastoriza
ben a vín pola vidreira,
algo moreniña queda,
por causa do sol que a queima.


Adeus ás ostras do Burgo,
e ás ostras do Pasaxe.
A Virxe de Pastoriza,
nos dea a todos boa viaxe.

Música da rianxeira

No hay comentarios: